വയനാട്ടില്‍ വീണ്ടും കാട്ടാനയുടെ ആക്രമണം. വിദ്യാര്‍ഥിക്ക് ഗുരുതര പരിക്ക്. കടയില്‍നിന്ന് സാധനങ്ങള്‍ വാങ്ങി മടങ്ങുകയായിരുന്ന വിദ്യാര്‍ഥിയെ ആന ആക്രമിക്കുകയായിരുന്നു. പുല്‍പ്പള്ളി പാക്കം കാരേരിക്കുന്ന് കോളനിയിലെ ശരത്തിനാണ് പരിക്കേറ്റത്. തുമ്പിക്കൈ കൊണ്ട് ഇടിച്ചിട്ട ശേഷം ശരത്തിനെ എടുത്തെറിയുകയായിരുന്നു എന്നാണ് വിവരം.
കുട്ടിയെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇന്നലെ രാത്രി എട്ടുമണിയോടെയായിരുന്നു ആക്രമണം. കോളനിക്ക് സമീപത്തെ കടയില്‍ പോയി വീട്ടുസാധനങ്ങളുമായി മടങ്ങവെ പെട്ടെന്നെത്തിയ ആന ആക്രമിക്കുകയായിരുന്നു.
