മലയാളികൾക്ക് സുപരിചിതനാണ് ബഷീർ ബഷി. ബിഗ് ബോസ് ഷോയിൽ എത്തിയതോടെയാണ് താരം ഏറെ ശ്രദ്ധിക്കപ്പെടുന്നത്. ബിഗ്ബോസ് അവസാനിച്ച ശേഷം യൂട്യൂബ് ചാനലിലൂടെ താരം വിശേഷങ്ങളുമായി എത്തി. താരത്തിന്റെ ഭാര്യമാരും കുട്ടികളും എല്ലാം ഇപ്പോൾ മലയാളികൾക്ക് സുപരിചിതരാണ്. കുടുംബത്തിലെ എല്ലാവർക്കും യൂട്യൂബ് ചാനലുണ്ട്. ബഷീറിന്റെ ഭാര്യ മഷൂറ ഡെയ്ലി വ്ളോഗുകളുമായി സജീവമാണ്. മഷൂറ അടുത്തിടെയാണ് അമ്മയായത്.
എന്നാൽ കഴിഞ്ഞ കുറച്ച് ദിവസങ്ങളായി ബഷീറോ കുടുംബത്തിലെ മറ്റ് അംഗങ്ങളോ വ്ലോഗുകളൊന്നും തന്നെ പങ്കുവെച്ചിരുന്നില്ല. എന്തെങ്കിലും വിശേഷങ്ങൾ സ്ഥിരമായി പങ്കുവെക്കാറുള്ള മഷൂറയും കുറച്ച് ദിവസങ്ങളായി വ്ലോഗുകൾ ചെയ്യുന്നതിൽ നിന്നും വിട്ടുനിൽക്കുകയാണ്.
അതിന് പിന്നിലെ കാരണമെന്തെന്ന് ആരാധകർ തിരക്കുന്നതിനിടയിലാണ് അപ്രതീക്ഷിതമായി ഡെ ഇൻ മൈ ലൈഫ് വീഡിയോയുമായി ബഷീറിന്റെ ആദ്യ ഭാര്യ സുഹാന എത്തിയത്. കുറച്ച് ദിവസങ്ങളായി കല്ലുമ്മക്കായ സീരിസ് തിരിച്ച് വരുന്നതിന്റെ ഭാഗമായുള്ള ഷൂട്ടും മറ്റ് ബിസിനസ് തിരക്കളും യാത്രകളും എല്ലാമായി വീഡിയോ ചെയ്യാൻ ആർക്കും സമയം കിട്ടിയിരുന്നില്ലെന്നാണ് വീഡിയോയുടെ തുടക്കത്തിൽ തന്നെ കാരണം വ്യക്തമാക്കി സുഹാന പറഞ്ഞത്.
കുടുംബത്തോടൊപ്പം അക്വ ഷോ കാണാൻ വേണ്ടി പോകുന്നതിന് മുമ്പ് വഴിമധ്യേ നടന്ന കാര്യങ്ങളും മറ്റുമാണ് സുഹാനയുടെ വ്ലോഗിൽ ഉണ്ടായിരുന്നത്. മഷൂറയാണ് അക്വ ഷോയുടെ വിശേഷങ്ങൾ ഉൾപ്പെട്ട വ്ലോഗ് പങ്കിട്ടത്.
അതേസമയം സുഹാനയുടെ വീഡിയോ ട്രെന്റിങായതോടെ കമന്റുകളും നിറയുന്നു. ഏറെയും കമന്റുകൾ സുഹാനയുടെ വ്ലോഗിൽ പ്രത്യക്ഷപ്പെടുമ്പോൾ മഷൂറയുടെ സ്വഭാവത്തിൽ വരുന്ന മാറ്റങ്ങളെ കുറിച്ചുള്ളതാണ്. സുഹാനയുടെ വീഡിയോയിൽ മഷൂറ അത്ര ആക്റ്റീവ് അല്ല എന്ന് തുടങ്ങി മഷുവിന്റെയും ബഷിയുടെയും വിവാഹം നിയമപരമാണോ എന്നുള്ള സംശയങ്ങൾ പോലും ചിലർ കമന്റിലൂടെ ചോദിച്ചിട്ടുണ്ട്. മഷൂറയുടെ മുഖം വീർത്തിരിക്കുന്നു, സന്തോഷത്തോടെ പെരുമാറുന്നില്ല, മഷൂറ വളരെ കൗശലക്കാരിയാണ്, സോനുവിനെ പരിഹസിക്കാൻ കിട്ടുന്ന അവസരങ്ങൾ നോക്കി മഷൂറ സംസാരിക്കുന്നു എന്നിങ്ങനെ എല്ലാം കമന്റുകളുണ്ട്.