മരണത്തോട് മല്ലടിച്ച് ആശുപത്രിയിൽ കഴിയുന്ന അമ്മയുടെ ജീവൻ നിലനിർത്താൻ സുമനസ്സുകളുടെ സഹായം തേടി മൂന്ന് മക്കൾ.തണ്ണീർമുക്കം മണ്ണാപറമ്പിൽ ഉണ്ണിക്കണ്ണന്റെ ഭാര്യ ബിന്ദുവാണ് തലയ്ക്കുള്ളിൽ രക്തസ്രാവവുമായി ചികിത്സയിൽ കഴിയുന്നത്.എത്രയും പെട്ടന്ന് ശസ്ത്രക്രിയ നടത്തിയാൽ മാത്രമേ ബിന്ദുവിന്റെ ജീവൻ രക്ഷിക്കാൻ സാധിക്കുവൊള്ളൂ.ഏകദേശം 25ലക്ഷം രൂപ ചെലവ് വരുമെന്നാണ് ഡോക്ടർമാർ പറയുന്നത്.
കൂലിപ്പണിക്കാരനായ ഭർത്താവിന് ഒരിക്കലും സമ്പാദിക്കാൻ സാധിക്കുന്നതല്ല ഈ തുക.കടുത്ത തലവേദനയെ തുടർന്നാണ് ബിന്ദു ആശുപത്രിയിൽ ചികിത്സ തേടിയത്.വിദഗ്ദ പരിശോധനയിൽ തലച്ചോറിൽ രക്തസ്രാവം കണ്ടെത്തുകയായിരുന്നു.മൂന്ന് കുട്ടികളുള്ള നിർധന കുടുംബത്തിന്റെ വീടിന്റെ ആധാരം പോലും പണയത്തിലാണ്.ബിന്ദുവിനെ സഹായിക്കുന്നതിനായി എംപി,എംഎൽഎ,പഞ്ചായത്ത് പ്രസിഡന്റ് എന്നിവർ രക്ഷാധികാരികളായി സഹായസമിതി രൂപീകരിച്ചിട്ടുണ്ട്.ഇവരുടെ നേതൃത്വത്തിൽ 13ന് പഞ്ചായത്തിലെ 23വാർഡുകളിലും ചികിത്സാസഹായത്തിനുള്ള പണം സ്വരൂപിക്കും.
ബിന്ദുവിന്റെ പേരിലുള്ള ധനലക്ഷ്മി ബാങ്കിന്റെ ചേർത്തല ബ്രാഞ്ചിലേക്കും പണം അയക്കാവുന്നതാണ്.അക്കൗണ്ട് നമ്പർ:001304100002049.ഐഎഫ്എസ്‌സി കോഡ് ഡിഎൽഎക്‌സ്ബി0000013
