മലയാളികളുടെ പ്രിയപ്പെട്ട നടനാണ് കിഷോര് സത്യ. സോഷ്യല് മീഡിയകളില് സജീവമാണ് നടന്. ഇപ്പോള് ഇന്സ്റ്റഗ്രാമില് എന്തുകൊണ്ട് ഫോട്ടോ ഇടുന്നില്ല എന്ന ചോദ്യങ്ങള്ക്ക് മറുപടി നല്കി രംഗത്ത് എത്തിയിരിക്കുകയാണ് നടന്. ഇന്സ്റ്റഗ്രാമില് തന്നെ പങ്കുവെച്ച ഒരു കുറിപ്പിലൂടെയാണ് നടന് ഇക്കാര്യത്തിന്റെ കാരണം പറഞ്ഞിരിക്കുന്നത്.
തന്റെ ഇന്സ്റ്റ പേജില് 2000 പേര് പോലുമില്ല എന്ന് പറയുമ്പോള് പലരും കണ്ണ് തള്ളിയേക്കാം. കാരണം താനൊരു വൈറല് ജീവിയല്ല. കഴിഞ്ഞ മൂന്ന് ആഴ്ചകളായി ടെലിവിഷന് താരങ്ങള്ക്കുള്ള വാക്സിനേഷന് പദ്ധതിയുമായുള്ള തിരക്കുകളില് ആയിരുന്നെന്നും കിഷോര് സത്യ സോഷ്യല് പങ്കുവച്ച കുറിപ്പില് വ്യക്തമാക്കി.
കിഷോര് സത്യയുടെ കുറിപ്പ് ഇങ്ങനെ, എന്താ ഇന്സ്റ്റയില് പടമൊന്നുമിടാത്തെ. എന്ന് ചോദിച്ച് കുറെ മെസ്സേജസ് വരുന്നുണ്ട്.. ലോകഡൗണ് ആയി വീട്ടില് ഇരുപ്പായിട്ട് 2 മാസം ആകാറാവുന്നു. ഞാന് ഒരിക്കലും ഒരു സോഷ്യല് മീഡിയ സെലിബ്രിറ്റി അല്ല എന്നാണ് എന്റെ വിശ്വാസം.. എന്റെ സിനിമകളും പരമ്പരകളും ഷോകളുമൊക്കെ കണ്ട് ഇഷ്ടപ്പെട്ടവരാണ് എന്നെ സ്നേഹിക്കുന്നവര് എന്ന് ഞാന് വിശ്വസിക്കുന്നു.
എന്റെ ഇന്സ്റ്റ പേജില് ആകെ 2000 പേര് പോലുമില്ല എന്ന് പറയുമ്പോള് പലരും കണ്ണ് തള്ളിയേക്കാം. അതാണ് ഞാന് പറഞ്ഞത് ഞാന് ഒരു വൈറല് ജീവിയല്ല. വൈറല് ആക്കാനായി ബോധപൂര്വം ഒന്നും ചെയ്യാറുമില്ല. കഴിഞ്ഞ രണ്ടുമൂന്ന് ആഴ്ചകളായി ടെലിവിഷന് താരങ്ങളുടെ സംഘടന ആയ ആത്മയുടെ അംഗങ്ങള്ക്കുള്ള വാക്സിനേഷന് പദ്ധതിയുമായുള്ള തിരക്കുകളില് ആയിരുന്നു.
സഹപ്രവര്ത്തകകര്ക്കു വേണ്ടി ഓടി നടക്കുമ്പോള് കിട്ടുന്ന സന്തോഷത്തിനിടയില് ഇന്സ്റ്റയും ഫേസ്ബുക്കും ഒക്കെ എന്നില് നിന്ന് തെല്ലകലം പാലിച്ചു.. നിങ്ങളുടെ പരാതി തീര്ക്കാന് ഒരു പടം ഇടാമെന്നു നോക്കുമ്പോള് പുതിയ നല്ലൊരു പടം പോലുമില്ല. അപ്പോള് ഒരു ത്രോബാക്ക് കിടക്കട്ടെ എന്ന് കരുതി. ജാട കുറക്കേണ്ട. കോട്ടും സൂട്ടുമൊക്കെ ആവട്ടെ.