തിരുവനന്തപുരം: ലോക്ക് ഡൗണ് പ്രഖ്യാപിച്ചിട്ടും നിരവധിപേരാണ് പുറത്തിറങ്ങുന്നത്. ഈ സാഹചര്യത്തില് ട്രിപ്പിള് ലോക് ഡൗണ് നിയന്ത്രണങ്ങള് ലംഘിച്ച് പുറത്തിറങ്ങുന്നവര്ക്ക് ആന്റിജന് പരിശോധന നടത്തുമെന്നും പോസിറ്റീവാകുന്നവരെ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളിലേക്ക് മാറ്റുമെന്നും മുഖ്യമന്ത്രി പിണറായി വിജയന്. ക്വാറന്റൈനിലുളളവര് പുറത്തിറങ്ങിയാല് കണ്ടെത്തി കേസെടുക്കുന്നതോടൊപ്പം അവരെയും സിഎഫ്എല്ടിസികളിലേക്ക് മാറ്റുമെന്നും മുഖ്യമന്ത്രി കൂട്ടിച്ചേര്ത്തു. മാത്രമല്ല ഏറ്റവും കൂടുതല് കോവിഡ് ബാധിച്ച മലപ്പുറത്ത് പോലീസ് നിയന്ത്രണങ്ങള് കൂടുതല് കര്ശനമാക്കാന് നിര്ദേശം നല്കിയിട്ടുണ്ട്. നിയന്ത്രണങ്ങള് ലംഘിച്ച് പുറത്തിറങ്ങുന്നവര്ക്കെതിരേ കര്ശന നിയമനടപടികള് സ്വീകരിക്കും.
അതേസമയം മലപ്പുറം ജില്ലയില് ട്രിപ്പിള് ലോക്ഡൗണ് ഒമ്ബതു ദിവസം പിന്നിട്ടിട്ടും സര്ക്കാര് നടത്തുന്ന തീവ്ര ശ്രമങ്ങള്ക്കനുസരിച്ചുള്ള കുറവ് രോഗികളുടെ എണ്ണത്തിലും ടെസ്റ്റ് പോസിറ്റിവിറ്റി നിരക്കിലും ഉണ്ടായിട്ടില്ല. എന്നാല് മലപ്പുറത്ത് ഇപ്പോള് കൂടുതല് പേര്ക്കും രോഗം പകരുന്നത് വീടുകളില്നിന്നു തന്നെയാണ്. കൂട്ടുകുടുംബങ്ങള് കൂടുതലുള്ളത് ഇതിന്റെ വ്യാപ്തി വര്ധിപ്പിക്കുന്നു. കുടുംബത്തിലെ ഒരംഗം രോഗബാധിതനായാല് വീട്ടില് തന്നെ സമ്ബര്ക്കവിലക്കില് തുടരുകയും ഇയാളില്നിന്ന് മറ്റംഗങ്ങളിലേക്ക് രോഗം പകരുകയുമാണ് ചെയ്യുന്നത്. അതേസമയം മതിയായ ക്വാറന്റൈന് സൗകര്യമില്ലാത്ത വീടുകളില് നിന്ന് പോസിറ്റീവ് ആയവരെ സിഎഫ്എല്ടിസികളിലേക്കു മാറ്റാനുള്ള ക്രമീകരണങ്ങള് ഏര്പ്പെടുത്തിയിട്ടുണ്ട്. രോഗലക്ഷണങ്ങളോടെ ക്വാറന്റൈനില് കഴിയുന്നവരെ താമസിപ്പിക്കാന് പ്രത്യേക വാസസ്ഥലം ഒരുക്കും.
എന്നാല് മലപ്പുറത്തിനു പുറമേ പാലക്കാട് ജില്ലയിലും കൂടുതല് ശക്തമായ ഇടപെടല് വേണമെന്ന് തീരുമാനിച്ചിട്ടുണ്ട്. തിരുവനന്തപുരം ജില്ലയിലെ 43 പഞ്ചായത്തുകളില് കോവിഡ് വ്യാപനം രൂക്ഷമാണ്. ഇവിടങ്ങളില് ടെസ്റ്റ് പോസിറ്റിവിറ്റി നിരക്ക് 30 ശതമാനത്തിനു മുകളില് നില്ക്കുന്നു. ഈ പ്രദേശങ്ങളില് പരിശോധന ശക്തമാക്കാനും ക്വാറന്റൈന് സംവിധാനങ്ങള് വിപുലപ്പെടുത്താനും തീരുമാനിച്ചു. എറണാകുളം ജില്ലയില് വ്യാപന തോതില് കുറവ് രേഖപ്പെടുത്തി. നിലവില് ടെസ്റ്റ് പോസിറ്റിവിറ്റി റേറ്റ് ഒരു പഞ്ചായത്തില് മാത്രമാണ് 50 ശതമാനത്തിനു മുകളില് ഉള്ളത്. ഇവിടെ മൊബൈല് ടെസ്റ്റിംഗ് സംവിധാനം ഏര്പ്പെടുത്തും. കോഴിക്കോട് ജില്ലയില് ഏറ്റവും കൂടുതല് ടെസ്റ്റ് പോസിറ്റിവിറ്റി നിരക്ക് കാരശേരി പഞ്ചായത്തിലാണ്. 58 ശതമാനമാണ് ഇവിടെ ടെസ്റ്റ് പോസിറ്റിവിറ്റി നിരക്ക്. അഴിയൂരില് 55 ശതമാനം ടെസ്റ്റ് പോസിറ്റിവിറ്റി നിരക്കുണ്ട്.
അതേസമയം രോഗബാധ ഉണ്ടാവുകയാണെങ്കില് ആരോഗ്യവകുപ്പിനെ അറിയിക്കേണ്ട രോഗങ്ങളില് ബ്ലാക്ക് ഫംഗസ് അഥവാ മ്യൂകര്മൈകോസിസ് രോഗത്തെക്കൂടി ഉള്പ്പെടുത്തി. ആശുപത്രികളിലും ആരോഗ്യസ്ഥാപനങ്ങളിലും അതുമായി ബന്ധപ്പെട്ട ഉത്തരവ് നല്കിയിട്ടുണ്ട്. അതുകൊണ്ട്, മ്യൂകര്മൈകോസിസ് രോഗബാധ കണ്ടെ ത്തിയാല് അത് എത്രയും പെട്ടെന്ന് ആരോഗ്യവകുപ്പിനെ അറിയിക്കേണ്ട താണ്. ബ്ലാക്ക് ഫംഗസ് കാര്യത്തില് ആരോഗ്യവകുപ്പ് പ്രോട്ടോകോള് രൂപീകരിക്കുമെന്നും മുഖ്യമന്ത്രി പറഞ്ഞു.