തിരുവന്തപുരം/ ഇന്ത്യന്‍ ഭരണഘടനയെ തള്ളിപ്പറഞ്ഞ മന്ത്രി സജി ചെറിയാൻ നഗ്നമായ സത്യാ പ്രതിജ്ഞാ ലംഘനമാണ് നടത്തിയിരിക്കുന്നത്. ബാലകൃഷ്ണ പിള്ള നടത്തിയ പഞ്ചാബ് മോഡല്‍ പ്രസംഗത്തേക്കാള്‍ ഗുരുതരമായ രാജ്യദ്രോഹ കുറ്റമാണ് നിയമസഭാ സാമാജികനായി, മന്ത്രിയായി സത്യ പ്രതിജ്ഞ ചെയ്ത സജി ചെറിയാൻ ചെയ്തിരിക്കുന്നത്.
ഇന്ത്യന്‍ ഭരണഘടന രാജ്യത്തെ ജനങ്ങളെ കൊള്ളയടിക്കാന്‍ സഹായിക്കുന്നതിന് വേണ്ടിയുള്ളതാണെന്നാണ് ഇന്ത്യന്‍ ഭരണഘടനയെ വിമര്‍ശിച്ച് മന്ത്രി സജി ചെറിയാന്‍ പറഞ്ഞിരിക്കുന്നത്. തൊഴിലാളികളുടെ സമരം പോലും അംഗീകരിക്കാത്ത രാജ്യമാണ് ഇന്ത്യ. അതിന് കാരണം ഇന്ത്യന്‍ ഭരണഘടനയാണെന്നും സജി ചെറിയാൻ ജനാധിപത്യ രാജ്യത്തെ ജനങ്ങളോട് പറഞ്ഞിരിക്കുന്നത്. മന്ത്രിയുടെ വാദങ്ങള്‍ക്കെ തിരെ പ്രതിഷേധം ഉയരുകയാണ്. ഇന്ത്യന്‍ ഭരണഘടനയെ വിമര്‍ശിച്ചുള്ള മന്ത്രി സജി ചെറിയാന്റെ പ്രസംഗത്തിലൂടെ ഗുരുതര സത്യ പ്രതിജ്ഞാ ലംഘനമാണ് നടന്നിരിക്കുന്നതെന്ന് നിയമ വിദഗ്ധനായ ജസ്റ്റിസ് കെമാല്‍ പാഷയുടെ പ്രതികരണം ഉണ്ടായത്.
മനോഹരമായ ഭരണഘടനയാണ് ഇന്ത്യയില്‍ എഴുതിവെച്ചിരിക്കുന്നതെന്ന് ജനങ്ങൾ ഒന്നടങ്കം പറയുകയും പഠിക്കുകയും വിശ്വസിക്കുകയും ചെയ്യുന്നതിനെ തച്ചുടക്കാ നുള്ള ഗൂഢ നീക്കമാണ് പിണറായി സർക്കാരിലെ ഒരു മന്ത്രി സഭാഅംഗത്തിന്റെ ഭാഗത്ത് നിന്നുണ്ടായിരിക്കുന്നത്.
‘ഞാന്‍ പറയും ഇന്ത്യയിലെ ഏറ്റവും കൂടുതല്‍ ജനങ്ങളെ കൊള്ളയടിക്കാന്‍ പറ്റിയ ഭരണഘടനയാണ് എഴുതിവച്ചിരിക്കുന്നത്. ബ്രിട്ടീഷുകാരന്‍ പറഞ്ഞ് തയ്യാറാക്കി കൊടുത്ത ഒരു ഭരണഘടന ഇന്ത്യാക്കാര്‍ എഴുതിവച്ചു. അത് ഈ രാജ്യത്ത് 75 വര്‍ഷമായി നടപ്പാക്കുന്നതിന്റെ ഭാഗമായി രാജ്യത്ത് ഏതൊരാള്‍ പ്രസംഗിച്ചാലും ഞാന്‍ സമ്മതിക്കില്ല. ഈ രാജ്യത്ത് ഏറ്റവും കൂടുതല്‍ കൊള്ളയടിക്കാന്‍ പറ്റിയ ഏറ്റവും മനോഹരമായ ഭരണഘടനയെന്ന് ഞാന്‍ പറയും’ സജി ചെറിയാന്റെ വാക്കുകളാണിത്.
ഇതിന്റെ മുക്കും മൂലയിലുമെല്ലാം കുറച്ച് നല്ല കാര്യങ്ങള്‍ എന്ന പേരില്‍ ജനാധിപത്യം മതേതരത്വം എന്നെല്ലാം എഴുതിവെച്ചുവെന്നതല്ലാതെ സാധാരണക്കാരെ ചൂഷണം ചെയ്യുക എന്നത് മാത്രമാണ് ഇതിന്റെ ഉദ്ദേശ്യമെന്നും സജി ചെറിയാന്‍ കുറ്റപ്പെടുത്തി യിട്ട്. പ്രതിവാര രാഷ്ട്രീയ നിരീക്ഷണം നൂറിന്റെ നിറവില്‍ എന്ന പരിപാടി മല്ലപ്പള്ളി യില്‍ ഉദ്ഘാടനം ചെയ്തു കൊണ്ടാണ് സജി ചെറിയാൻ ഈ രാജ്യദ്രോഹകരമായ പ്രസ്താവന നടത്തിയിരിക്കുന്നത്.
‘തൊഴിലാളികളുടെ സമരം പോലും അംഗീകരിക്കാത്ത രാജ്യമാണ് ഇന്ത്യ. അതിന് കാരണം ഇന്ത്യന്‍ ഭരണഘടനയാണ്. തൊഴിലാളി ചൂഷണത്തെ അംഗീകരിക്കുന്ന ഭരണ ഘടന. രാജ്യത്ത് അംബാനിയും അദാനിയുമെല്ലാം വളര്‍ന്ന് വരാന്‍ കാരണം ഇന്ത്യന്‍ ഭരണഘടന അവര്‍ക്ക് നല്‍കുന്ന പരിരക്ഷയാണ്. അവര്‍ക്കെതിരെ എത്രപേര്‍ക്ക് സമരം ചെയ്യാന്‍ പറ്റും.എന്നും സജി ചെറിയാൻ ചോദിക്കുന്നുണ്ട്.
