ഇന്ത്യയിൽ ഒരു രാഷ്ട്രം, ഒരു തിരഞ്ഞെടുപ്പ്‘ നിയമത്തിനു തത്വത്തിൽ അംഗീകാരം. നരേന്ദ്ര മോദി സർക്കാരിന്റെ മറ്റൊരു വലിയ വിപ്ലവമായി ഒരു രാജ്യം ഒരു തിരഞ്ഞെടുപ്പ് നിയമത്തിന്റെ പൂർണ്ണ രൂപം രാഷ്ട്രപതി ദ്രൗപതി മുർമുവിനു സമർപ്പിച്ചു. സ്വാതന്ത്ര്യ ശേഷം രാജ്യത്ത് നറ്റക്കാൻ പോകുന്ന ഏറ്റവും വലിയ ജനാധിപത്യ പ്രക്രിയയുടെ തിരുത്തലും നവീകരണവും ആയി ഇത് മാറുകയാണ്‌
ദില്ലിയിൽ നിന്നും വരുന്ന ബ്രേക്കിങ്ങ് റിപോർട്ടുകൾ ഇങ്ങിനെയാണ്‌…ഒരു രാഷ്ട്രം, ഒരു തിരഞ്ഞെടുപ്പ്’ എന്ന വിഷയത്തിലുള്ള ഉന്നതതല സമിതി ഇന്ന് പ്രസിഡൻ്റ് ദ്രൗപതി മുർമുവിന് റിപ്പോർട്ട് സമർപ്പിച്ചു, മുൻ രാഷ്ട്രപതിയും ആഭ്യന്തിര മന്ത്രി അമിഷായും ചേർന്നാണ്‌ റിപോർട്ട് ഇന്ത്യൻ പ്രസിഡന്റിനു നല്കിയത്.
ഇതിന്റെ സുപ്രധാനമായി ചില വിവരങ്ങൾ കർമ്മ ന്യൂസിനു ലഭ്യമായി.രാജ്യത്തുടനീളം ഒരേസമയം തെരഞ്ഞെടുപ്പുകൾ നടത്തണം. ഒരേസമയം തിരഞ്ഞെടുപ്പ് നടത്തണമെന്ന് സമിതിക്ക് ഏകകണ്ഠമായ അഭിപ്രായമുണ്ടെന്ന് മുൻ രാഷ്ട്രപതി രാംനാഥ് കോവിന്ദിൻ്റെ നേതൃത്വത്തിലുള്ള സമിതി റിപ്പോർട്ടിൽ പറയുന്നു.
ആദ്യം, ലോക്‌സഭാ തെരഞ്ഞെടുപ്പും സംസ്ഥാന തിരഞ്ഞെടുപ്പും ഒരേസമയം നടത്തണം, തുടർന്ന് 100 ദിവസത്തിനുള്ളിൽ സമന്വയിപ്പിച്ച തദ്ദേശ സ്വയംഭരണ തെരഞ്ഞെടുപ്പുകൾ നടത്തണം, റിപ്പോർട്ടിൽ പറയുന്നു. ഒരേസമയം നടക്കുന്ന തിരഞ്ഞെടുപ്പുകൾ തിരഞ്ഞെടുപ്പ് പ്രക്രിയയെയും ഭരണത്തെയും മാറ്റിമറിക്കും. ‘ഇന്ത്യ, അതാണ് ഭാരതം’ എന്നതിൻ്റെ അഭിലാഷങ്ങൾ സാക്ഷാത്കരിക്കാൻ ഈ ആശയത്തിന് കഴിയുമെന്ന് പാനൽ പറഞ്ഞു.സംസ്ഥാന തിരഞ്ഞെടുപ്പ് അധികാരികളുമായി കൂടിയാലോചിച്ച് ഇന്ത്യൻ തിരഞ്ഞെടുപ്പ് കമ്മീഷൻ ഒരു പൊതു വോട്ടർ പട്ടികയും വോട്ടർ ഐഡി കാർഡുകളും തയ്യാറാക്കാനും പാനൽ ശുപാർശ ചെയ്തു.ഇന്ത്യയിൽ, നിലവിലുള്ള ഗവൺമെൻ്റിൻ്റെ കാലാവധി അവസാനിക്കുമ്പോഴോ ഏതെങ്കിലും കാരണത്താൽ പിരിച്ചുവിടപ്പെടുമ്പോഴോ പാർലമെൻ്റ് അംഗങ്ങളെ തിരഞ്ഞെടുക്കുന്നതിനുള്ള പൊതു തിരഞ്ഞെടുപ്പുകളും സംസ്ഥാന നിയമസഭാ തിരഞ്ഞെടുപ്പുകളും വെവ്വേറെയാണ് നടക്കുന്നത്.
പ്രധാനമന്ത്രി നരേന്ദ്ര മോദി ‘ഒരു രാഷ്ട്രം, ഒരു തിരഞ്ഞെടുപ്പ്’ എന്നതിൻ്റെ ആവശ്യകതയെക്കുറിച്ച് നിരവധി തവണ സംസാരിച്ചിട്ടുണ്ട്, മാത്രമല്ല ഇത് 2014 ലെ ലോക്‌സഭാ തെരഞ്ഞെടുപ്പിനുള്ള പാർട്ടിയുടെ പ്രകടന പത്രികയുടെ ഭാഗമായിരുന്നു.
ആഭ്യന്തര മന്ത്രി അമിത് ഷാ, രാജ്യസഭയിലെ മുൻ പ്രതിപക്ഷ നേതാവ് ഗുലാം നബി ആസാദ്, മുൻ ധനകാര്യ കമ്മീഷൻ ചെയർമാൻ എൻ കെ സിംഗ്, മുൻ ലോക്‌സഭാ സെക്രട്ടറി ജനറൽ സുഭാഷ് കശ്യപ്, മുതിർന്ന അഭിഭാഷകൻ ഹരീഷ് സാൽവെ എന്നിവരാണ് കോവിന്ദിൻ്റെ നേതൃത്വത്തിലുള്ള സമിതിയിലെ മറ്റ് അംഗങ്ങൾ.ഇനി ഏതേലും ഇലക്ഷനിൽ തൂക്ക് പാർലിമെന്റും തൂക്ക് നിയമ സഭയും വന്നാലും അവിശ്വാസ പ്രമേയമോ കൂറുമാറ്റമോ മറ്റെന്തെങ്കിലും സംഭവമോ ഉണ്ടെങ്കിൽ ഒരേസമയം തിരഞ്ഞെടുപ്പുമായി ബന്ധപ്പെട്ട സാധ്യമായ പരിഹാരങ്ങൾ വിശകലനം ചെയ്യാനും ശുപാർശ ചെയ്യാനും സമിതിയെ ചുമതലപ്പെടുത്തി.
1967 വരെ ഒരേസമയം വോട്ടെടുപ്പ് നടത്തുന്നത് ഇന്ത്യയിൽ പതിവായിരുന്നു, നാല് തിരഞ്ഞെടുപ്പുകൾ ഈ രീതിയിൽ നടന്നു. 1968-69 കാലഘട്ടത്തിൽ ചില സംസ്ഥാന അസംബ്ലികൾ അകാലത്തിൽ പിരിച്ചുവിട്ടതോടെ ഈ സമ്പ്രദായം നിർത്തി. 1970-ൽ ഷെഡ്യൂളിന് ഒരു വർഷം മുമ്പ് ലോക്‌സഭയും ആദ്യമായി പിരിച്ചുവിടുകയും 1971-ൽ ഇടക്കാല തിരഞ്ഞെടുപ്പ് നടക്കുകയും ചെയ്തു.പല കാലത്തും പാർലിമെന്റും നിയമ സഭകളും കാലാവധി ആകാതെ പിരിച്ച് വിടപെട്ടിട്റ്റുണ്ട്. ഇത്തരം സാഹചര്യം ഉണ്ടായാൽ എന്തു ചെയ്യണം എന്ന് റിപോർട്ടിൽ വ്യക്തമായി പറയുന്നു..
ഒരു രാജ്യം ഒരു തെരഞ്ഞെടുപ്പിൽ കമ്മീഷൻറെ നിലപാട് നിർണ്ണായകമാകുമ്പോഴാണ് മുഖ്യ തെരഞ്ഞെടുപ്പ് കമ്മീഷണർ പച്ചക്കൊടി കാട്ടിയത്. ഭരണഘടനയിലും, ജനപ്രാതിനിധ്യ നിയമത്തിലുമുള്ള നിർദ്ദേശങ്ങൾ പാലിച്ച് തെരഞ്ഞെടുപ്പ് നടത്താനാകുമെന്ന് മുഖ്യ തെരഞ്ഞെടുപ്പ് കമ്മീഷണർ രാജീവ് കുമാർ വ്യക്തമാക്കിയിരുന്നു.തെരഞ്ഞെടുപ്പുകൾ ഒന്നിച്ച് നടത്തിയാൽ ഭാരിച്ച പണച്ചലെവ് കുറയ്ക്കാനാകുമെന്നാണ് കമ്മീഷൻ കാണുന്ന ഒരു നേട്ടം. തെരഞ്ഞെടുപ്പ് ഡ്യൂട്ടിക്കായി നിയോഗിക്കുന്ന ഉദ്യോഗസ്ഥരുടെ ജോലി ഭാരവും കുറയും. ഒന്നിച്ചുള്ള തെരഞ്ഞെടുപ്പിൽ കൂടുതൽ വോട്ടർമാർ അവരുടെ അവകാശം വിനിയോഗിക്കുമെന്നും അതുവഴി പോളിംഗ് ശതമാനം ഗണ്യമായി കൂട്ടാനാകുമെന്നും കമ്മീഷൻ വിലയിരുത്തുന്നു. പ്രതിപക്ഷ പാർട്ടികളുടെ നിലപാട് കൂടി കമ്മീഷന് തേടേണ്ടി വരും.
