ഹൈദരാബാദ്. വിവാദമായ ഫോണ്‍ ചോര്‍ത്തല്‍ കേസില്‍ തെലങ്കാനയിലെ മുന്‍ ഐബി മേധാവി ടി പ്രഭാകര്‍ റാവു അടക്കമുള്‌ല പ്രതികള്‍ക്കെതിരെ പോലീസ് ലുക്കൗട്ട് നോട്ടീസ് പുറപ്പെടുവിച്ചു. കേസിലെ ഒന്നാം പ്രതിയാണ് പ്രഭാകര്‍ റാവു. അതേസമയം നിലവില്‍ ഇയാള്‍ യുഎസിലാണെന്നാണ് വിവരം.
പ്രഭാകര്‍ റാവുവിന് പുറമേ കേസിലെ മറ്റൊരു പ്രതിയായ സിറ്റി ടാസ്‌ക് ഫോഴ്‌സിലെ ഉദ്യോഗസ്ഥനായ രാധാ കിഷന്‍ റാവുവിനെതിരെയും ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്. കേസുമായി ബന്ധപ്പെട്ട് വിവിധയിടങ്ങളില്‍ കഴിഞ്ഞ ദിവസം വ്യാപക പരിശോധന നടത്തിയിരുന്നു.
തെലുഗു ടിവി ചാനല്‍ ഉടമ ശ്രാവണ്‍ റാവുവിന്റെയും പ്രഭാകര്‍ റാവുവിന്റെയും വീട്ടിലാണ് പരിശോധന നടത്തിയത്.
