തിരുവനന്തപുരം. കേരളത്തിന്റെ ചരിത്രത്തില്‍ ആദ്യമായിട്ടാണ് ഒരു മുഖ്യമന്ത്രിക്കെതിരെ ഇത്രയും ആരോപണങ്ങള്‍ ഉയരുന്നതെന്ന് കേന്ദ്ര മന്ത്രി വി മുരളീധരന്‍. എഐ ക്യാമറ വിഷയത്തില്‍ ഒന്നും ഒളിക്കാനില്ലെങ്കില്‍ അന്വേഷണം കേന്ദ്ര ഏജന്‍സികളെ ഏല്‍പ്പിക്കുമെന്നും മുരളീധരന്‍ പറഞ്ഞു. മുഖ്യമന്ത്രി പിറണായി വിജയന് മാസ് ഡയലോഗിന്റെ ആളാണെന്നും അദ്ദേഹം വിമര്‍ശിച്ചു.
എല്ലാ അഴിമതിയും താന്‍തന്നെ ചെയ്യും താനൊഴിച്ച് മറ്റാരും അഴിമതി കാണിക്കരുത് എന്നാണ് മുഖ്യമന്ത്രി പറയുന്നത്. സ്വര്‍ണക്കടത്ത് മുതല്‍ ക്യാമറ പദ്ധതി വരെ പുറത്തുവന്നു. എന്നിട്ട് ഇതിനെതിരെ ഒന്നും പ്രതികരിക്കാതെ അഴിമതിക്കെതിരെ ഡയലോഗ് അടിക്കുന്നുവെന്നും വി മുരളീധരന്‍ മുഖ്യമന്ത്രി പിണറായി വിജയനെ വിമര്‍ശിച്ചു.
വസ്തുതകളെക്കുറിച്ച് പറയാതെ മാസ് ഡയലോഗുകളുടെ ആശാനായി മാറിയിരിക്കുകയാണ് മുഖ്യമന്ത്രി പിണറായി വിജയന്. കെല്‍ട്രോണിന്റെ വിശ്വാസ്യതയെ ചോദ്യംചെയ്യുന്ന തരത്തില്‍ മുഖ്യമന്ത്രിയും ബന്ധുക്കളും വലിയ അഴിമതി നടത്തുകയാണ് മുരളീധരന്‍ പറഞ്ഞു.
