ആലപ്പുഴ. പരസ്ത്രീ ബന്ധവും ഭാര്യയെ ഒഴിവാക്കുവാന് ആഭിചാരക്രിയ നടത്തിയ സിപിഎം നേതാവിനെതിരെ ഗാര്ഹിക പീഡനത്തിന് പരാതി. ജനപ്രതിനിധികൂടിയായ കായംകുളം ഏരിയ കമ്മിറ്റി അംഗത്തിനെതിരെയാണ് പരാതി. പരസ്ത്രീ ബന്ധം ചോദ്യം ചെയ്തതിനാണ് ഇയാള് ഭാര്യയെ ക്രൂരമായി മര്ദിച്ചത്. ഇത് സംബന്ധിച്ച പരാതി യുവതിയുടെ ലോക്കല് കമ്മിറ്റി സെക്രട്ടറിയായ പിതാവാണ് സിപിഎമ്മിന് നല്കിയത്.
യുവതി എസ്എഫ്ഐ, ഡിവൈഎഫ്ഐ സംഘടനകളുടെ സംസ്ഥാന ഭാരവാഹിയായിരുന്നു. യുവതിയുടെ ഭര്ത്താവിനെതിരെ മുമ്പും മറ്റൊരു സ്ത്രീയുമായിട്ടുള്ള ബന്ധം സംബന്ധിച്ച് പരാതി ഉയര്ന്നിരുന്നു. എന്നാല് സിപിഎം ഇടപെട്ട് ഇത് പരിഹരിച്ചു. കഴിഞ്ഞ ദിവസം നേതാവ് സ്ത്രീക്കൊപ്പം ഔദ്യോഗിക വാഹനത്തില് യാത്ര ചെയ്തപ്പോള് പിടിക്കപ്പെട്ടിരുന്നു.
ഇത് ചോദ്യം ചെയ്തതോടെയാണ് ഇയാള് ഭാര്യയെ മര്ദിച്ചത്. കൂടാതെ ഭാര്യയെ ഒഴിവാക്കുവാന് ആഭിചാരക്രിയ നടത്തിയതായും പരാതിയില് പറയുന്നു. വിഷയത്തില് സിപിഎം അന്വേഷണം ആരംഭിച്ചു. മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി എംവി ഗോവിന്ദനും യുവതി പരാതി നല്കിയിട്ടുണ്ട്.