ലോകമാകെയുള്ള കൊറോണ വൈറസ് വ്യാപനം സംബന്ധിച്ച് ആശങ്കകള് നിലനില്ക്കുന്നതിനിടെ ടിക് ടോക്ക് വീഡിയോയിലൂടെ പരിഭ്രാന്തി പരത്താന് ശ്രമിച്ചതിന് ഒരാളെ പോലീസ് അറസ്റ്റ് ചെയ്തു. കറന്സി നോട്ട് ഉപയോഗിച്ച് മൂക്കും വായും തുടയ്ക്കുകയും നോട്ടില് നക്കുകയും ചെയ്യുന്ന വീഡിയോ ടിക് ടോക്കിലൂടെ പ്രചരിപ്പിച്ചതിനാണ് നാസിക് റൂറല് പോലീസ് ഇയാളെ അറസ്റ്റ് ചെയ്തത്. സയ്യാദ് ജാമില് ബാബു എന്നയാളാണ് അറസ്റ്റിലായിരിക്കുന്നത്. ഇതുവരെ മരുന്ന് കണ്ടുപിടിച്ചിട്ടില്ലാത്ത കൊറോണയെ തുരുത്താന് വന് മുന്കരുതലുകള് നടത്തുന്നതിനിടെയാണ് യുവാവിന്റെ ഇത്തരത്തിലൊരു പ്രവര്ത്തി.
വീഡിയോകള് വൈറലായതിന് ശേഷം പോലീസ് നടപടി എടുത്തു. ഇന്ത്യന് പീനല് കോഡിലെ 153, 188 വകുപ്പുകള് പ്രകാരമാണ് പ്രതിയെ അറസ്റ്റ് ചെയ്തത്. മഹാരാഷ്ട്രയിലെ 40കാരനായ മലേഗാവ് സ്വദേശിയാണ് അറസ്റ്റിലായത്. സംഭവത്തില് അബ്ദുള് ഖുറേഷി, സയാദ് ഹസ്സൈന് അലി, സൂഫിയാന് മുഖ്താര് എന്നിവരെയും നാസിക് പൊലീസ് അറസ്റ്റ് ചെയ്തു. കൊവിഡ് വൈറസിന് ഇന്ത്യയിലേക്ക് സ്വാഗതം എന്ന തലക്കെട്ടിലാണ് ഇയാള് ടിക് ടോക്കില് വീഡിയോ പ്രചരിപ്പിച്ചത്. ദൈവികമായ ശിക്ഷയാണ് കൊവിഡെന്നും ഇത് തടയാനാവില്ലെന്നും ഇയാള് വീഡിയോയില് പറയുന്നുണ്ട്.
Lawful action has been taken against the accuse by Nashik Rural Police (Maharashtra) & he is in Police Custody.@invinciblearti@KS16779951#coronavirus https://t.co/pX62vziQVz
— NASHIK RURAL POLICE (@SPNashikRural) April 2, 2020
രാജ്യത്ത് കോവിഡ് മരണങ്ങളുടെ എണ്ണം വര്ധിക്കുകയാണ്. 24 മണിക്കൂറിനിടെ രാജ്യത്ത് 12 പേരാണ് മരിച്ചത്. 601 പേര്ക്ക് രോഗവും സ്ഥിരീകരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 2,902 ആയി. കഴിഞ്ഞ ശനിയാഴ്ചവരെ രാജ്യത്ത് 900 കോവിഡ് കേസുകള് മാത്രമാണ് റിപ്പോര്ട്ട് ചെയ്തിരുന്നത്. 19 മരണങ്ങളും റിപ്പോര്ട്ട് ചെയ്തിരുന്നു. നിസാമുദീനിലെ തബ്ലീഗ് സമ്മേളത്തില് പങ്കെടുത്ത നൂറുകണിക്കിന് പേര്ക്കാണ് രാജ്യത്ത് കൊറോണ സ്ഥിരീകരിച്ചത്. സന്പര്ക്കത്തിലൂടെ ഇവരില്നിന്നും മറ്റുള്ളവര്ക്കും കോവിഡ് സ്ഥിരീകരിച്ചിരുന്നു. അഞ്ഞൂറിലധികം കോവിഡ് കേസുകളാണ് മഹാരാഷ്ട്രയില് മാത്രം റിപ്പോര്ട്ട് ചെയ്തിരിക്കുന്നത്. 26 പേരാണ് ഇവിടെ കോവിഡ് ബാധിച്ച് മരിച്ചത്. രാജ്യത്ത് കൂടുതല് കോവിഡ് കേസുകളും റിപ്പോര്ട്ട് ചെയ്തിരിക്കുന്നതും മഹാരാഷ്ട്രയിലാണ്. രോഗികളുടെ എണ്ണത്തില് മഹാരാഷ്ട്രയ്ക്കു പിന്നിലുള്ളത് തമിഴ്നാടാണ്.