മലയാളികളുടെ പ്രിയപ്പെട്ട നടിയാണ് മുത്തുമണി. നിരവധി ചിത്രങ്ങളില് ചെറുതും വലുതുമായ വേഷങ്ങളില് താരം എത്തിയിട്ടുണ്ട്. ഇപ്പോള് ജീവിതത്തില് ഏറ്റവും സുന്ദരമായ നിമിഷത്തിലൂടെ കടന്നു പോവുകയാണ് നടി. താരം ഗര്ഭിണി ആണെന്നുള്ള വാര്ത്തയാണ് പുറത്ത് വിട്ടത്. എന്നാലിപ്പോള് നടിയുടെ ഭര്ത്താവും സംവിധായകനുമായ പിആര് അരുണ് ഫേസ്ബുക്കിലൂടെ പങ്കുവെച്ച ചിത്രത്തിലൂടെയാണ് താര കുടുംബത്തിലെ പുതിയ വിശേഷം ആരാധകര് അറിയുന്നത്. നിറവയറുമായി നില്ക്കുന്ന മുത്തുമണിക്കെ ഒപ്പമുള്ള ചിത്രമാണ് അരുണ് പങ്കുവെച്ചത്. ഇതോടെ നിരവധി പേരാണ് താരത്തിന് ആശംസ അറിയിച്ചി രംഗത്ത് എത്തുന്നത്.
അരുണ് ഫേസ്ബുക്കില് പോസ്റ്റ് ചെയ്തത് മുത്തുമണിയുടെ നിറവയര് വ്യക്തമാക്കുന്ന ചിത്രമായിരുന്നു. ചിത്രത്തിന് ‘ഞങ്ങള്’ എന്ന് മാത്രമായിരുന്നു ക്യാപ്ഷന് നല്കിയിരുന്നത്. എന്നാല് കൂടുതല് വിവരങ്ങള് ഒന്നും തന്നെ പുറത്ത് പറഞ്ഞിട്ടുമില്ല. വിവാഹിതരായി 15-ാം വര്ഷമാണ് താരദമ്പതികള്ക്ക് കുഞ്ഞ് ജനിക്കാന് പോകുന്നത് എന്ന പ്രത്യേകതയുമുണ്ട്.
2006ല് ആണ് അഭിഭാഷക കൂടി ആയിരുന്ന മുത്തുമണി സിനിമയില് എത്തുന്നത്. ഇതേ വര്ഷം തന്നെയായിരുന്നു മുത്തുമണിയും അരുണും വിവാഹിതര് ആയതും. അഭിഭാഷക കൂടി ആയിരുന്ന മുത്തുമണി മോഹന്ലാല് ചിത്രമായ രസതന്ത്രത്തിലൂടെയാണ് ക്യാമറക്ക് മുന്നില് എത്തുന്നത്. നാടകത്തില് സജീവമായിരുന്ന മുത്തുമണി പിന്നീട് സിനിമയിലും സജീവമാവുകയായിരുന്നു. മുത്തുമണിയെ പോലെ തന്നെ നാടകരംഗത്ത് നിന്നുമാണ് അരുണും സിനിമയില് എത്തിയത്.
അരുണ് അധ്യാപകന് കൂടിയാണ്. ഫൈനല്സ് എന്ന ചിത്രം സംവിധാനം ചെയ്തത് അരുണ് ആയിരുന്നു. നെല്ലിക്ക എന്ന ചിത്രത്തിന്റെ തിരക്കഥ ഒരുക്കിയാണ് അരുണ് വെള്ളിത്തിരയിലേക്ക് എത്തുന്നത്.