വാഷിങ്ടണ്‍: ആശങ്കയൊഴിഞ്ഞ് ആശ്വാസത്തിലേക്ക് നയിച്ച സമാധാന ചര്‍ച്ചകള്‍ക്കു പിന്നാലെ വീണ്ടും ലോകത്തെ ഞെട്ടിച്ചുകൊണ്ട് അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവന. ഉത്തരകൊറിയന്‍ ഏകാധിപതി കിങ് ജോങ് ഉന്നുമായി സിംഗപ്പൂരില്‍ നടന്ന സമാധാന ചര്‍ച്ചകളോടെ മഞ്ഞുരുകിയെന്നായിരുന്നു ലോക രാഷ്ട്രങ്ങളുടെ പ്രതീക്ഷ. എന്നാല്‍ ഉത്തരകൊറിയ ഇപ്പോഴും അമേരിക്കയ്ക്ക് ഭീഷണിയായതുകൊണ്ട് ഉപരോധം തുടരുമെന്നും ട്രംപ് അറിയിച്ചു.
സമാധാന ഉച്ചകോടിക്ക് പിന്നാലെ ജൂണ്‍ 13 ന് ഇനി ഉത്തരകൊറിയയില്‍ നിന്ന് ആണവ ഭീഷണിയില്ല, സമാധാനമായി ഉറങ്ങിക്കൊള്ളൂ എന്നാണ് ട്രംപ് ട്വീറ്റ് ചെയ്തത്. ഉത്തരകൊറിയ ആണവ നിരായുധീകരണം നടപ്പാക്കാത്ത സാഹചര്യത്തില്‍ അമേരിക്കയുശട രാജ്യസുരക്ഷയ്ക്കും സാമ്പത്തിക നയത്തിനും വിദേശ നയത്തിനും കൊറിയ ഭീഷണിയാണ്.
അതുകൊണ്ട് ഒരു വര്‍ഷത്തേക്ക് കൂടി ഉപരോധം തുടരണമെന്നും ട്രംപിന്റെ ഓഫീസ് പുറത്തിറക്കിയ പ്രസ്താവനയില്‍ വ്യക്തമാക്കുന്നു. കൊറിയന്‍ മുനമ്പിനെ ആണവ മുക്തമാക്കുന്നതിന് ുരുമ്മിച്ച് പ്രവര്‍ത്തിക്കുമെന്നാണ് സമാധാന ഉച്ചകോടിയില്‍ ഇരു രാജ്യങ്ങളും ഒരുമ്മിച്ച് പ്രഖ്യാപിച്ചത്.
