മലയാളികളുടെ പ്രിയപ്പെട്ട താരമാണ് ജഗതി ശ്രീകുമാര്‍. അഭിനയ ജീവിതത്തിലേക്ക് അദ്ദേഹത്തിന്റെ മടങ്ങി വരവിനായി കാത്തിരിക്കുന്നവരാണ് ഏവരും. കഴിഞ്ഞ ദിവസം അദ്ദേഹം പൊട്ടിച്ചിരിക്കുന്ന വീഡിയോ സോഷ്യല്‍ മീഡിയകളില്‍ വലിയ ഹിറ്റ് ആയിരുന്നു. നായകനായും സഹനടനായും വില്ലനായും ഒക്കെ അദ്ദേഹം സിനിമയില്‍ തിളങ്ങി നിന്നും. മലയാളത്തില്‍ തിരക്കേറിയ താരങ്ങളില്‍ ഒരാളായിരുന്നു ജഗതി. ജഗതി ശ്രീകുമാറിനൊപ്പം നിരവധി സിനിമകളില്‍ ഒപ്പം അഭിനയിച്ചിട്ടുളള പൊന്നമ്മ ബാബു ഇപ്പോള്‍ അദ്ദേഹത്തോടൊപ്പമുള്ള നിമിഷങ്ങളെ കുറിച്ച് പങ്കുവെയ്ക്കുകയാണ്. ഒരു അഭിമുഖത്തിലാണ് താരത്തിന്റെ പ്രതികരണം.
ജഗതിക്ക് അപകടം സംഭവിക്കുന്നതിന് കുറച്ചുദിവസങ്ങള്‍ക്ക് മുന്‍പ് ഒന്നിച്ച് ഒരു സിനിമയില്‍ അഭിനയിച്ചതിനെ കുറിച്ചും നടി തുറന്നുപറഞ്ഞു. അന്ന് അദ്ദേഹം തന്നോട് പറഞ്ഞ കാര്യമാണ് ഒരു ടെലിവിഷന്‍ ചാനലിന് നല്‍കിയ അഭിമുഖത്തില്‍ പൊന്നമ്മ ബാബു പറഞ്ഞത്. തന്റെ സിനിമാ ജീവിതത്തില്‍ എനിക്ക് ഒരുപാട് പിന്തുണ നല്‍കിയിട്ടുളള വ്യക്തിയാണ് അമ്പിളി ചേട്ടന്. ഞാന്‍ അത്രത്തോളം ആരാധിക്കുന്ന ഒരു വ്യക്തിയാണ് അദ്ദേഹം,. അമ്പിളി ചേട്ടന്‌റെ തിരിച്ചുവരവിനായി ഓരോ ദിവസവും പ്രാര്‍ത്ഥിക്കാറുണ്ട്.
അദ്ദേഹത്തോടൊപ്പം നിരവധി സിനിമകളില്‍ ഒന്നിച്ച് അഭിനയിക്കാന്‍ എനിക്ക് സാധിച്ചിട്ടുണ്ട്. അമ്പിളി ചേട്ടന് അപകടം പറ്റുന്നതിന് കുറച്ചുദിവസങ്ങള്‍ക്ക് മുന്‍പ് ഞങ്ങള്‍ ഒന്നിച്ച് ഒരു ചിത്രത്തില്‍ അഭിനയിച്ചിരുന്നു. ഇന്നസെന്റ് ചേട്ടനും ഞാനും അമ്പിളി ചേട്ടനുമൊക്കെ ഒന്നിച്ച് അഭിനയിച്ച ഞാന്‍ ഇന്നസെന്റാണ് എന്ന സിനിമയുടെ സെറ്റില്‍ വെച്ചാണ് ഞാന്‍ അദ്ദേഹത്തെ അവസാനമായി കണ്ടുപിരിഞ്ഞത്.
എന്റെ ഭാഗം കഴിഞ്ഞു ഇനി ഞാന്‍ പോട്ടെ എന്ന് ചോദിച്ചപ്പോള്‍ അദ്ദേഹം എന്തോ പതിവില്ലാതെ എന്റെ തലയില്‍ കൈവച്ചിട്ട് പറഞ്ഞു. പൊന്നമ്മ നന്നായി വരും. ആ വാക്കുകള്‍ ഇന്നും എന്റെ മനസിലുണ്ട്. മലയാളത്തിലെ അതുല്യ നടന്‍ അമ്പിളി ചേട്ടന് തിരിച്ചുവരുമെന്ന പ്രതീക്ഷയിലാണ് ഞാന്‍, -പൊന്നമ്മ ബാബു അഭിമുഖത്തില്‍ പറഞ്ഞു.
