ചെന്നൈ. എഐഎഡിഎംകെയിലെ അധികാര തര്ക്കത്തില് എടപ്പാടി പളനിസ്വാമിക്ക് തിരിച്ചടി. മുന് മുഖ്യമന്ത്രിയും എഐഎഡിഎംകെ കോര്ഡിനേറ്ററുമായിരുന്ന ഒ പനീര്ശെല്വത്തെ പുറത്താക്കി പളനിസ്വാമിയെ ജനറല് സെക്രട്ടറിയായി നിയമിച്ചത് നിയമപരമായി നിലനില്ക്കില്ലെന്ന് ഹൈക്കോടതി വിധിച്ചു.
എഐഡിഎംകെ ജനറല് കൗണ്സില് വീണ്ടും നടത്തുവാനും, പാര്ട്ടിയില് തല്സ്ഥിതി തുടരുവാനും കോടതി വിധിച്ചു. എഐഡിഎംകെ ജനറല് കൗണ്സില് സ്വീകരിച്ച തീരുമാനങ്ങള് റദ്ദാക്കുകയും പാര്ട്ടിയില് ജൂണ് 23ന് മുന്പുള്ള സ്ഥിതി തുടരണമെന്നും മദ്രാസ് ഹൈക്കോടതി വ്യക്തമാക്കി.
ഹൈക്കോടതി വിധിയോടെ ഒ പനീര്ശെല്വം പാര്ട്ടി കോര്ഡിനേറ്ററും എടപ്പാടി പളനിസ്വാമി പാര്ട്ടിയുടെ ഡെപ്യൂട്ടി കോര്ഡിനേറ്ററുമായി തുടരും. പാര്ട്ടി കോര്ഡിനേറ്റര്ക്കും ഡെപ്യൂട്ടി കോര്ഡിനേറ്റര്ക്കും മാത്രമാണ് ജനറല് കൗണ്സില് വിളിച്ച് ചേര്ക്കുവാനുള്ള അനുപതിയെന്നും കോടതി നിരീക്ഷിച്ചു.