ടൈറ്റാനിയം അഴിമതിക്കേസ് സംസ്ഥാന സര്ക്കാര് സിബിഐക്ക് വിട്ടു. മുന് മുഖ്യമന്ത്രി ഉമ്മന്ചാണ്ടി, പ്രതിപക്ഷ നേതാവ് രമേശ് ചെന്നിത്തല, മുന്മന്ത്രി വി കെ ഇബ്രാഹിം കുഞ്ഞ് എന്നിവര്ക്കെതിരെ ഗുരുതര ആരോപണം ഉന്നയിക്കുന്ന കേസിലാണ് സർക്കാർ തീരുമാനം. നിലവില് വിജിലന്സാണ് കേസ് അന്വേഷിച്ചിരുന്നത്. ഉമ്മന്ചാണ്ടി മുഖ്യമന്ത്രിയായിരുന്ന സമയത്താണ് അഴിമതി നടന്നത്.
ടൈറ്റാനിയം കമ്പനിയില് മാലിന്യ സംസ്കരണ പ്ലാന്റ് സ്ഥാപിച്ചതില് 80 കോടിയുടെ അഴിമതി നടന്നിട്ടുണ്ടെന്നാണ് കേസ്. 2006 ല് ഉമ്മന്ചാണ്ടി മുഖ്യമന്ത്രി ആയിരിക്കെയാണ് പദ്ധതിക്ക് അനുമതി നല്കിയത്. പ്ലാന്റിന്റെ നിര്മാണത്തിന് ആവശ്യമായ ഉപകരണങ്ങള് ഇറക്കുമതി ചെയ്യുന്നതിന് മെക്കോണ് കമ്പനി വഴി ഫിന്ലന്ഡിലെ കമ്പനിക്കാണ് കരാര് നല്കിയിരുന്നത്. ഇതില് അഴിമതി നടന്നെന്നാണ് ആരോപണം ഉയര്ന്നത്.
ടൈറ്റാനിയം മുൻ ഉദ്യോഗസ്ഥനും മുൻ ദേശീയ വോളിബോൾ താരവുമായ സെബാസ്റ്റ്യൻ ജോർജാണ് കേസിലെ പരാതിക്കാരൻ. 2006ലാണ് ടൈറ്റാനിയം അഴിമതിക്കേസിെൻറ അേന്വഷണം ആരംഭിച്ചത്.ടൈറ്റാനിയം പ്ലാൻറിെൻറ നിർമാണത്തിനാവശ്യമായ ഉപകരണങ്ങൾ ഇറക്കുമതി ചെയ്യുന്നതിന് അന്നത്തെ മലിനീകരണ നിയന്ത്രണ വകുപ്പിെൻറ ചുമതല ഉണ്ടായിരുന്ന മന്ത്രി കെ.കെ. രാമചന്ദ്രനിൽ അന്നത്തെ കെ.പി.സി.സി പ്രസിഡൻറ് രമേശ് ചെന്നിത്തല സമ്മർദം ചെലുത്തിയാണ് മെക്കോൺ കമ്പനി വഴി ഫിൻലാൻഡിലെ കമ്പനിക്ക് കരാർ നൽകിയതെന്നാണ് ആരോപണം.