പാലക്കാട്. രണ്ടുവര്‍ഷം മുമ്പ് മലമ്പുഴയില്‍ കുമ്പാച്ചിമലയില്‍ കുടുങ്ങിയ ബാബുവിന്റെ മാതാവ് റഷീദയും സഹോദരന്‍ ഷാജിയും ആത്മഹത്യ ചെയ്തതായി പോലീസിന്റെ നിഗമനം. ചൊവ്വാഴ്ച അര്‍ധരാത്രിയോടെയാണ് കടുക്കാംകുന്നത്ത് ഇവരെ ട്രെയിന്‍ തട്ടി മരിച്ച നിലയില്‍ കണ്ടെത്തിയത്. മൃതദേഹം കാണാന്‍ മോര്‍ച്ചറിയിലെത്തിയ ബാബു മാനസികാസ്വാസ്ഥ്യം കാട്ടിയതോടെ ജില്ലാ ആശുപത്രിയിലേക്ക് മാറ്റി.
ഇവര്‍ മലമ്പുഴയിലെ വാടക വീട്ടിലാണ് താമസിച്ചിരുന്നത്. കഴിഞ്ഞ ദിവസങ്ങളില്‍ വീട്ടില്‍ ചില പ്രശ്‌നങ്ങള്‍ ഉണ്ടയതായി നാട്ടുകാര്‍ പോലീസിനോട് പറഞ്ഞു. കുടുംബ പ്രശ്‌നവും സാമ്പത്തിക പ്രശ്‌നവുമാണ് ആത്മഹത്യയ്ക്ക് കാരണം എന്നാണ് പോലീസ് പറയുന്നത്.
മലയില്‍ നിന്നും ബാബുവിനെ 2022 ഫെബ്രുവരിയിലാണ് രക്ഷിച്ചത്. ബാബു ജീവിതത്തിലേക്ക് മടങ്ങി വന്ന രണ്ടാം വാര്‍ഷികത്തിലാണ് മാതാവിന്റെയും സഹോദരന്റെയും മരണം.
