കണ്ണീരില്‍ ട്രാന്‍സ്‌ജെന്‍ഡര്‍ സ്‌നേഹ തീ കൊളുത്തി ജീവനൊടുക്കി സംഭവത്തില്‍ സുഹൃത്തുക്കള്‍ക്ക് ഇടയില്‍ വലിയ വേദനയാണ് ഉണ്ടാക്കിയിരിക്കുന്നത്. എല്ലാ തഴച്ചിലുകളും വേദനകളും ഒഴിവാക്കി അവയൊന്നും ഇല്ലാത്ത ലോകത്തെക്ക് പോയ കൂട്ടുകാരിയെ ഓര്‍ത്ത് തേങ്ങുകയാണ് സുഹൃത്തുക്കളും പ്രിയപ്പെട്ടവരും. എന്തിന് സ്‌നേഹ ഇത് ചെയ്തു എന്നോര്‍ത്ത് സുഹൃത്തുക്കള്‍ പലരും തങ്ങളുടെ വേദന പങ്കുവെയ്ക്കുകയാണ്.
ഇപ്പോള്‍ തന്റെ പ്രിയപ്പെട്ട സുഹൃത്തിനെ ഓര്‍ത്ത് ട്രാന്‍സ്‌ജെന്‍ഡറും മോഡലും കൂടിയായ വൈഗ സുബ്രഹ്മണ്യം ഫേസ്ബുക്കില്‍ പങ്കുവെച്ച കുറിപ്പ് ശ്രദ്ധേയമാവുകയാണ്. ‘നമ്മളെ കൊലപ്പെടുത്താനും കുത്തി നോവിക്കാനും പരിഹസിക്കാനും ചതിക്കാനും വഞ്ചിക്കാനും ഇനിയും ഈ ലോകം അവസരങ്ങള്‍ കാത്തിരിക്കും. പൊരുതാമായിരുന്നില്ലേ നിനക്ക്’ എന്നാണ് വൈഗ പങ്കുവെച്ച കുറിപ്പില്‍ പറയുന്നത്.
വൈഗയുടെ ഫേസ്ബുക്ക് കുറിപ്പ് വായിക്കാം, പ്രിയ സുഹൃത്തിന് ആദരാഞ്ജലികള്‍… പൊരുതാമായിരുന്നില്ലേ നിനക്ക്… നമ്മളെ കൊലപ്പെടുത്താനും കുത്തി നോവിക്കാനും പരിഹസിക്കാനും ചതിക്കാനും വഞ്ചിക്കാനും ഇനിയും ഈ ലോകം അവസരങ്ങള്‍ കാത്തിരിക്കും… പക്ഷേ തളരാതെ മുന്നോട്ട് പോകാമായിരുന്നില്ലേ…. പിന്നില്‍ നിന്ന് കുത്തുന്നവര്‍ക്ക് അറിയില്ലല്ലോ അവര്‍ പിന്നിലും നമ്മള്‍ മുന്നിലും ആണെന്ന് … നമ്മള്‍ പൊരുതുന്നത് നിലവിലെ വ്യവസ്ഥയോടാണ്… ഷാലുവിനെ കൊന്നത് ഒരു വ്യക്തി ആയിരുന്നെങ്കില്‍ നിന്നെ കൊലയ്ക്ക് കൊടുത്തത് ഇവിടുത്തെ ജീര്‍ണ്ണിച്ച വ്യവസ്ഥിതി ആണ്… കണ്ണീരില്‍ കുതിര്‍ന്ന വിടയാണെങ്കിലും… മനസ്സില്‍ ഒരായിരം അഗ്‌നിനാളങ്ങള്‍ ആളിക്കത്തുകയാണ്… നാളത്തെ ലോകം നമുക്കുള്ളതാണ്.. തീര്‍ച്ച…
