പ്രായമായവരെ ഉപദ്രവിക്കുന്ന മക്കളുടെയും മരുമക്കളുടെയും പല സംഭവങ്ങളും പുറത്തെത്തിയിട്ടുണ്ട്. ഇത്തരം പല വീഡിയോകളും പുറത്ത് എത്തിയിട്ടുണ്ട്. മാതാപിതാക്കളുടെ സ്വത്തുക്കളും മറ്റും കൈക്കലാക്കുന്നത് വരെ സ്‌നേഹം അഭിനയിക്കുകയും പിന്നീട് തനി സ്വരൂപം പുറത്തെടുക്കുകയും ചെയ്യുന്ന മരുമക്കളുടെ പല റിപ്പോര്‍ട്ടുകളും പുറത്തെത്തിയിട്ടുണ്ട്. ചിലപ്പോഴൊക്കെ ജീവന്‍ വരെ നഷ്ടപ്പെട്ടവരുണ്ട്. ഇത്തരത്തില്‍ ഒരു സംഭവമാണ് കഴിഞ്ഞ ദിവസം തിരുവല്ലയില്‍ ഉണ്ടായത്.
മരുമകള്‍ കത്രിക കൊണ്ട് വീട്ടമ്മയെ കുത്തി കൊലപ്പെടുത്തുകയായിരുന്നു. നിരണം കൊമ്പങ്കേരി പ്ലാംപറമ്പില്‍ ചാക്കോയുടെ ഭാര്യ കുഞ്ഞൂഞ്ഞമ്മ എന്ന 66 കാരിയാണ് മകന്റെ ഭാര്യയുടെ കുത്തേറ്റ് മരിച്ചത്. കുഞ്ഞുഞ്ഞൂമ്മയുടെ മകന്‍ ബിജി ചാക്കോയുടെ ഭാര്യ ലിന്‍സി എന്ന 26കാരിയാണ് പ്രതി. ഇവരെ പോലീസ് അറസ്റ്റ് ചെയ്തു. ചിങ്കളാഴ്ച രാത്രി എട്ട് മണിയോടെയാണ് സംഭവം ഉണ്ടായത്.
നിര്‍മാണ തൊഴിലാളിയാണ് ബിജി. ഇയാളെ കഴിഞ്ഞ ദിവസം ചിലര്‍ മര്‍ദിച്ചിരുന്നു. മര്‍ദനത്തില്‍ പരുക്ക് പറ്റി ചികിത്സ തേടി തിരുവല്ലയിലെ ആശുപത്രിയില്‍ പോയി മടങ്ങി എത്തിയപ്പോള്‍ ബിജിയും ലിന്‍സിയുമായി മഴക്കുണ്ടായി. ഇതിനിടെ കുഞ്ഞൂഞ്ഞമ്മ ഇടപെട്ടതോടെ ലിന്‍സി കത്രിക ഉപയോഗിച്ച് കുത്തുകയായിരുന്നു. ഇവര്‍ സംഭവ സ്ഥലത്ത് വെച്ച് തന്നെ മരിച്ചു. ഒരു മണിക്കൂറിന് ശേഷമാണ് അയല്‍വാസികള്‍ വിവരം അറിയുന്നത്. ജില്ലാ പൊലീസ് മേധാവി കെ.ജി.സൈമണ്‍ സംഭവം നടന്ന കൊമ്പങ്കേരിയിലെ വീട്ടിലെത്തി തെളിവെടുപ്പ് നടത്തി. ലിന്‍സിയെ റിമാന്‍ഡ് ചെയ്തു. കുഞ്ഞൂഞ്ഞമ്മയുടെ സംസ്‌കാരം പിന്നീട്. മറ്റൊരു മകന്‍ വില്‍സണ്‍.
