ശാലീന സൗന്ദര്യവുമായി മലയാള സിനിമയിലേക്കെത്തുന്നവരോട് പ്രേക്ഷകർക്ക് എന്നും താൽപര്യമാണ്.മോഡേൺ ചിന്താഗതിയുമായി മുന്നേറുന്നവർ വരെ ശാലീന സുന്ദരികളെയാണ് ഇഷ്ടപ്പെടുന്നത്.സിനിമയിലെ നായികാ സങ്കൽപ്പത്തിന്റെ കാര്യത്തിൽ ഇന്നും വലിയ മാറ്റമൊന്നും വന്നിട്ടില്ല.മോഡേണും നാടൻ കഥാപാത്രവും ഒരുപോലെ ഇണങ്ങുന്നവരോട് പ്രേക്ഷകർക്ക് എന്നും പ്രത്യേക താൽപര്യമാണ്.
ചുരുങ്ങിയ കാലം കൊണ്ടുതന്നെ പ്രേക്ഷക മനസ്സിൽ ഇടം പിടിച്ച നായികമാരിലൊരാളാണ് അനു സിത്താര.വ്യത്യസ്തമായ സിനിമകളുമായി മുന്നേറുകയാണ് ഈ താരം.വിവാഹം കഴിഞ്ഞാണ് താരം സിനിമയിൽ ശ്രദ്ധ കേന്ദ്രീകരിക്കുന്നത്.ഫോട്ടോഗ്രാഫറായ വിഷ്ണു ആണ് ഭർത്താവ് ഇരുവരുടെയും പ്രണയ വിവാഹമാണ്.
ആദ്യമായി കാവ്യമാധവനെകണ്ട ദിവസത്തെക്കുറിച്ച് തുറന്നുപറയുകയാണ് അനു സിത്താര.നാട്ടിൽ റിയൽ എന്ന പേരിലുള്ള ഒരു കടയുടെ ഉദ്ഘാടനത്തിനായിരുന്നു അത്.കാവ്യേച്ചി യായിരുന്നു ഉദ്ഘാടനം.ഞങ്ങളുടെ കുടുംബ സുഹൃത്തുക്കളുടേതായിരുന്നു കട.അവർ ക്ഷണിച്ചിട്ട് ഞങ്ങളും ഉദ്ഘാടനത്തിന് പോയിരുന്നു.അവിടെവച്ച് ഞാനറിയാതെ വിഷ്ണുവേട്ടൻ എന്റെ കുറേ ഫോട്ടോസെടുത്തു.അന്നേ വിഷ്ണുവേട്ടന് എന്നെ ഇഷ്ടമാണ്.
പക്ഷേ എനിക്കതറിയില്ലായിരുന്നു.ഞങ്ങളുടെ കല്യാണം കഴിഞ്ഞപ്പോഴാണ് ആ ഫോട്ടോസ് വിഷ്ണുവേട്ടന്റെ കൈയിലുള്ള കാര്യം ഞാനറിഞ്ഞതെന്ന് അനു സിത്താര പറയുന്നു.അനു സിത്താരക്കും കാവ്യാമാധവനും രൂപത്തിൽ സാദൃശ്യമുണ്ടെന്നതരത്തിലുള്ള വാർത്തകൾ നേരത്തെ പുറത്തുവന്നിരുന്നു.
പൊട്ടാസ് ബോംബ് എന്ന ചിത്രത്തിലൂടെ വെള്ളിത്തിരയിലേക്ക് ചേക്കേറിയത്.അഭിനയത്തോടൊപ്പം നൃത്തവും പാഷനായി പോലെ കൊണ്ട് നടക്കുകയാണ് താരം.താരജാഡകൾ ഒന്നും കാണിക്കാത്ത താരമെന്നതിനാൽ പ്രേക്ഷകർക്ക് അനുവിനെ വലിയ ഇഷ്‌ടവുമാണ്.അനുസിത്താര അവസാനമായി വേഷമിട്ട ചിത്രമായിരുന്നു മമ്മൂട്ടിയും ഉണ്ണിമുകുന്ദനും പ്രധാനവേഷത്തിലെത്തിയ മാമാങ്കം എന്ന സിനിമ.
