ഖത്തര്: ഫുട്ബോള് ലോകകപ്പിലെ വിജയത്തിന് പിന്നാലെ അന്താരാഷ്ട്ര മത്സരങ്ങളില് നിന്നും വിരമിക്കില്ലെന്ന് വ്യക്തമാക്കി ലയണല് മെസ്സി. ലോകജേതാക്കളായ ജേഴ്സിയില് തുടരണമെന്നും അന്താരാഷ്ട്ര മത്സരങ്ങളില് നിന്നും വിരമിക്കാനൊരുങ്ങുന്നില്ലെന്നും മെസ്സി മാധ്യമങ്ങളോട് പറഞ്ഞു. തന്റെ അഞ്ചാം ലോകകപ്പാണ് മെസ്സി ഖത്തറില് പൂര്ത്തിയാക്കിയത്. വര്ഷങ്ങളായി മുന്നില് കണ്ട സ്വപ്നം. വിശ്വസിക്കാനാകുന്നില്ല. മെസ്സി പറഞ്ഞു.
ദൈവം എനിക്ക് ഈ വിജയം സമ്മാനിക്കുമെന്ന് ആത്മവിശ്വാസമുണ്ടായിരുന്നുവെന്നും അദ്ദേഹം കൂട്ടിച്ചേര്ത്തു
ഫ്രാന്സിനെതിരായ ഫൈനല് മത്സരത്തിന് ശേഷം പ്രതികരിക്കുകയായിരുന്നു അദ്ദേഹം. ക്രൊയേഷ്യക്കെതിരായ സെമി ഫൈനല് വിജയത്തോടെ ഇത് തന്റെ അവസാനത്തെ ലോകകപ്പായിര്ക്കുമെന്ന് മെസ്സി പറഞ്ഞിരുന്നു.
പെനാല്റ്റി ഷൂട്ടൗട്ടില് ഫ്രാന്സിനെ 4-2 ന് തകര്ത്താണ് അര്ജന്റീന കിരീടത്തില് മുത്തമിട്ടത്. നിശ്ചിതസമയത്തും അധികസമയത്തും ഇരുടീമുകളും 3-3 ന് സമനില നേടിയതോടെയാണ് മത്സരം പെനാല്റ്റി ഷൂട്ടൗട്ടിലേക്ക് നീങ്ങിയത്.36 വര്ഷത്തെ കാത്തിരിപ്പിനുശേഷമാണ് അര്ജന്റീന ലോകകിരീടം നേടുന്നത്.