തിരുവനന്തപുരം. കേരള നിയമസഭ എക സിവില്‍ കോഡിനെതിരെ പ്രമേയം പാസാക്കി. മുഖ്യമന്ത്രി പിണറായി വിജയനാണ് പ്രമേയം സഭയില്‍ അവതരിപ്പിച്ചത്. കേന്ദ്രസര്‍ക്കാര്‍ ഏക സിവില്‍കോഡ് അടിച്ചേല്‍പ്പിക്കാനുള്ള ഏകപക്ഷിയമായ നിലപാടിലാണെന്നും ഇത് മതനിരപേക്ഷ സ്വഭാവത്തെ ഇല്ലാതാക്കുമെന്നും പ്രമേയം അവതരിപ്പിച്ചുകൊണ്ട് പിണറായി വിജയന്‍ പറഞ്ഞു.
അതേസമയം രാജ്യത്ത് ആദ്യമായിട്ടാണ് ഒരു നിയമസഭ ഏക സിവില്‍ കോഡിനെതിരെ പ്രമേയം പാസാക്കുന്നത്. പൗരത്വ നിയമ ഭേദഗതിക്കെതിരെ രാജ്യത്ത് ആദ്യം പ്രമേയം പാസാക്കിയതും കേരള നിയമസഭയാണ്. രാജ്യത്തെ ഐക്യത്തിന് ഇത് ഹാനികരമാണെന്നും പ്രമേയത്തില്‍ പറയുന്നു. രാജ്യത്തെ ജനങ്ങളെയാകെ ബാധിക്കുന്ന വിഷയത്തില്‍ ഏത് നീക്കം നടത്തുന്നതില്‍ നിന്നും കേന്ദ്രസര്‍ക്കാര്‍ പിന്തിരിയണമെന്നും നിയമസഭ ആവശ്യപ്പെട്ടു.
