ഇന്ത്യന് ഭക്ഷണം ഏറെ ഇഷ്ടപ്പെടുന്ന താരമാണ് ഹോളിവുഡ് നടിയും മോഡലുമായ പ്രിയങ്കാ ചോപ്ര. ഇപ്പോഴിതാ മൂന്ന് വര്ഷത്തിന് ശേഷം തന്റെ ജന്മനാട്ടിലേക്ക് തിരികെയെത്തിയിരിക്കുകയാണ് താരം. ഇന്ത്യന് ഭക്ഷണ സംസ്കാരത്തെ ബഹുമാനിക്കുകയും ചെയ്യുന്ന നടികൂടിയാണ് പ്രിയങ്ക. ഇന്ത്യന് ഭക്ഷണത്തോടുള്ള പ്രിയങ്കയുടെ അതിരറ്റ സ്നേഹമാണ് ന്യൂയോര്ക്കില് അവര് തുടക്കമിട്ട സോന എന്ന റെസ്റ്റൊറന്റ്. പ്രവര്ത്തനം തുടങ്ങി വളരെ ചുരുങ്ങിയ കാലം കൊണ്ട് തന്നെ അഭൂതപൂര്വമായ വളര്ച്ചയാണ് റെസ്റ്റൊറന്റിന് ഉണ്ടായത്.
ഇപ്പോഴിതാ ഇന്ത്യയില് തിരികെയെത്തിയ പ്രിയങ്ക തന്റെ പ്രിയപ്പെട്ട സ്നാക്സ് വിഭവം കഴിക്കുന്നതിന്റെ ചിത്രം പങ്കുവെച്ചിരിക്കുകയാണ്. ഇന്സ്റ്റഗ്രാമില് സ്റ്റോറി രൂപത്തിലാണ് പ്രിയങ്ക ഈ ചിത്രം പങ്കുവെച്ചിരിക്കുന്നത്. ഇന്ത്യയിലെ തെരുവുകളിലെ തട്ടുകടകളില് സുലഭമായി ലഭിക്കുന്ന സ്നാക്സായ ദബേലിയുടെ ചിത്രമാണ് പ്രിയങ്ക ഷെയര് ചെയ്തിരിക്കുന്നത്.
പകുതി കഴിച്ച ദബേലി നെഞ്ചോട് ചേര്ത്ത് പിടിച്ചിരിക്കുന്ന പ്രിയങ്ക. വടാ പാവിന് സമാനമായ ഗുജറാത്തി സ്നാക്സ് വിഭവമാണ് ദബേലി.