രാജ്യത്ത് കഴിഞ്ഞ ദിവസം 24 മണിക്കൂറിനിടെ കോവിഡ് സ്ഥിരീകരിച്ചത് 34,703 പേര്ക്ക്. ഇതോടെ ആകെ കൊവിഡ് കേസുകള് 3,06,19,932 ആയി. 553 പേരാണ് 24 മണിക്കൂറിനിടെ മരിച്ചത്. 4,03,281 പേരാണ് ഇതുവരെ കോവിഡ് ബാധിച്ച് മരിച്ചത്. തുടര്ച്ചയായി 54-ാം ദിവസവും പ്രതിദിന കൊവിഡ് കേസുകളേക്കാള് രോഗമുക്തരായവരുടെ എണ്ണമാണ് വര്ധിച്ചത്.
പ്രതിദിന ടിപിആര് 2.11 % ആണ്. 111 ദിവസത്തിനിടയിലെ ഏറ്റവും കുറഞ്ഞ പ്രതിദിന രോഗികളാണ് ഇന്ന് റിപ്പോര്ട്ട് ചെയ്തത്. തുടര്ച്ചയായി 15-ാം ദിവസമാണ് ടെസ്റ്റ് പോസിറ്റിവിറ്റി നിരക്ക് മൂന്ന് ശതമാനത്തില് താഴെ എത്തി നില്ക്കുന്നത്. അതേസമയം, വടക്ക് കിഴക്കന് സംസ്ഥാനങ്ങളില് പോസിറ്റിവിറ്റി നിരക്ക് ഉയരുന്നത് ആശങ്കയോടെയാണ് രാജ്യം നോക്കി കാണുന്നത്.