മിഷന് സി എന്ന ചിത്രത്തിന്റെ പോസ്റ്ററിലെ ലുക്കിന്റെ പേരില് നടന് കൈലാഷിനെതിരെ വന് ട്രോള് ആക്രമണമാണ് സോഷ്യല് മീഡിയയില് നടക്കുന്നത്. കമാന്ഡോ വേഷത്തില് തോക്ക് പിടിച്ച് നില്ക്കുന്ന നടനെ തരംതാണ രീതിയില് വരെ പലരും വിമര്ശിക്കുന്നുണ്ട്. ഇപ്പോള് ഇത്തരത്തില് വിമര്ശിക്കുന്നവര്ക്ക് എതിരെ രംഗത്ത് എത്തിയിരിക്കുകയാണ് ആക്ടിവിസ്റ്റും ചുംബന സമര നായികയുമായ രശ്മി ആര് നായര്.
ഫേസ്ബുക്കില് പങ്കുവെച്ച കുറിപ്പിലൂടെയാണ് രശ്മിയുടെ പ്രതികരണം. അയാളുടെ അഭിനയത്തെ വിമര്ശിക്കാം സിനിമകളെ വിമര്ശിക്കാം അരിച്ചാക്കില് പട്ടാള യൂണിഫോമിട്ടു കമാന്ഡോ ഓപ്പറേഷന് നടത്തുന്നതൊക്കെ ഹീറോയിസമായി കണ്ടു കയ്യടിക്കുന്ന മലയാള സിനിമാ പ്രേക്ഷകര്ക്ക് കൈലാഷ് ഒരു ഹീറോ പരിവേഷമുള്ള കമാന്ഡോ നായക വേഷം ചെയ്യുന്നു എന്നത് പോസ്റ്ററില് തന്നെ പരിഹാസമാകുന്നത് ക്രൂരത മാത്രമല്ല പ്രിവിലേജ് ഇല്ലാത്തവനോടുള്ള വിവേചനം കൂടിയാണ് -രെശ്മി കുറിച്ചു.
രെശ്മിയുടെ കുറിപ്പ്, മലയാള സിനിമാ നടന് കൈലാഷ് ഒരു ഗംഭീര നടനാണ് എന്നൊന്നും എനിക്കഭിപ്രായമില്ല പക്ഷെ അയാള് ഏതെങ്കിലും തന്ത നടന്റെ മോന് നടനായി ജനിച്ചു എന്നതുകൊണ്ട് പ്രിവിലേജ് മൂത്തു പഴുത്തു നടനായ ആളല്ല. സാധാരണ ചുറ്റുപാടില് നിന്നും സ്വന്തം കഴിവുകള് മാത്രം കൈമുതലായി കൊണ്ട് വന്നു പത്തു പന്ത്രണ്ടു കൊല്ലമായി സിനിമയുടെ അരികുപറ്റി ജീവിക്കുന്ന ഒരു മനുഷ്യനാണ് . അയാളുടെ അഭിനയത്തെ വിമര്ശിക്കാം സിനിമകളെ വിമര്ശിക്കാം അരിച്ചാക്കില് പട്ടാള യൂണിഫോമിട്ടു കമാന്ഡോ ഓപ്പറേഷന് നടത്തുന്നതൊക്കെ ഹീറോയിസമായി കണ്ടു കയ്യടിക്കുന്ന മലയാള സിനിമാ പ്രേക്ഷകര്ക്ക് കൈലാഷ് ഒരു ഹീറോ പരിവേഷമുള്ള കമാന്ഡോ നായക വേഷം ചെയ്യുന്നു എന്നത് പോസ്റ്ററില് തന്നെ പരിഹാസമാകുന്നത് ക്രൂരത മാത്രമല്ല പ്രിവിലേജ് ഇല്ലാത്തവനോടുള്ള വിവേചനം കൂടിയാണ് .