തിരുവനന്തപുരം: ബിഷപ് ഫ്രാങ്കോ മുളയ്ക്കലിനെതിരായുളള പീഡനക്കേസില് പരാതി നല്കിയ കന്യാസ്ത്രീയെ അധിക്ഷേപിച്ച് പരാമര്ശം നടത്തിയ പി.സി ജോര്ജ് എം.എല്.എയെ സ്പീക്കര് ശാസിച്ചു. നിയമസഭാംഗങ്ങളുടെ പെരുമാറ്റചട്ടങ്ങളുടെ ലംഘനമാണ് പി.സി ജോര്ജില് നിന്നുണ്ടായതെന്ന് സ്പീക്കര് പറഞ്ഞു. സഭാംഗങ്ങള് അന്തസും ധാര്മ്മിക മൂല്യവും കാത്തുസൂക്ഷിക്കാന് ബാദ്ധ്യസ്ഥരാണെന്നും സ്പീക്കര് വ്യക്തമാക്കി.
എന്നാല് താന് അധിക്ഷേപിച്ചത് കന്യാസ്ത്രീയെ അല്ലെന്നും സഭയില് നിന്ന് പുറത്താക്കിയ ആളെങ്ങനെ കന്യാസ്ത്രീയാകുമെന്നും ആ പ്രയോഗം സഭാനടപടികളില് നിന്നും നീക്കം ചെയ്യണമെന്നും പി.സി ജോര്ജ് അഭിപ്രായപ്പെട്ടു.സ്പീക്കറുടെ ശാസന ആദരവോടെ സ്വീകരിക്കുന്നതായും അദ്ദേഹം അറിയിച്ചു. എത്തിക്സ് കമ്മിറ്റിയുടെ തീരുമാനം അംഗീകരിക്കുന്നതായും ബിഷപ്പ് ഫ്രാങ്കോ മുളയ്ക്കലിനെ അധിക്ഷേപിച്ച സ്ത്രീയ്ക്കെതിരെ ശബ്ദമുയര്ത്തുകയാണ് താന് ചെയ്തതെന്നും ഇത്തരം സാഹചര്യമുണ്ടായാല് ഇനിയും ആവര്ത്തിക്കുമെന്നുമായിരുന്നു ഇന്നലെ പി.സി ജോര്ജ് പറഞ്ഞത്.