തിരഞ്ഞെടുപ്പിനുള്ള സ്ഥാനാര്ത്ഥികളെ പ്രഖ്യാപിച്ചത് മുതല് സോഷ്യല് മീഡിയകളില് നിറഞ്ഞ് നിന്ന സ്ഥാനാര്ത്ഥിയാാണ് അഡ്വ. വിബിത ബാബു. പത്തനംതിട്ട മല്ലപ്പള്ളി ഡിവിഷനില് നിന്നും മത്സരിക്കുന്ന യുഡിഎഫ് സ്ഥാനാര്ത്ഥിയാണ് വിബിത. ഇപ്പോള് സോഷ്യല് മീഡിയകള് വഴി തന്നെ അപകീര്ത്തി പെടുത്താനുള്ള ശ്രമങ്ങള് നടക്കുന്നുണ്ടെന്ന് ആരോപിച്ച് രംഗത്തെത്തിയിരിക്കുകയാണ് വിബിത.ഇത്തപരക്കാര്ക്ക് ജനങ്ങള് തന്നെ മറുപടി കൊടുക്കുമെന്നും വിബിത പറയുന്നു. വാട്സ്ആപ്പിലും ഫേസ്ബുക്കിലും അടക്കം പല സോഷ്യല് മീഡിയ മാധ്യമങ്ങളിലും വിബിതയുടെ നിരവധി ചിത്രങ്ങള് പ്രചരിച്ചിരുന്നു. ഇതിനിടെ ചില മോശം പ്രചരണങ്ങളും ഉണ്ടായി. ഈ മോശം പ്രചരണങ്ങള്ക്ക് എതിരെ ഒരു മാധ്യമത്തോട് പ്രതികരിച്ചിരിക്കുകയാണ് വിബിത ബാബു.
വിബിതയുടെ വാക്കുകള് ഇങ്ങനെ, എല്ലാവരും പറയുന്നു, മാറ്റം വേണം, യുവത്വം വരട്ടെ എന്ന് പറയുന്നു, പക്ഷേ ഇങ്ങനെ പറയുമ്പോഴും യുവതലമുറ പൊളിറ്റിക്സിലേക്ക് ഇറങ്ങി തിരിക്കുമ്പോള് കുറെയേറെ പോരാളികളുണ്ട്, സൈബര് പോരാളികള് എന്ന് തന്നെ പറയാം, അവരതിനെ വളരെ മോശമായ രീതിയിലാണ് കാണുന്നത്, ഇവളൊന്നും നിന്നാല് ജയിക്കില്ല, തോറ്റ് തുന്നം പാടും. അപകീര്ത്തിപ്പെടുത്താനുളള ശ്രമം നടക്കുന്നുണ്ട്. ആ ശ്രമത്തിനോട് എനിക്ക് ഒട്ടും യോജിപ്പില്ല.
സോഷ്യല് മീഡിയയുടെ തുടക്കം കാലം തൊട്ടെ ഞാന് അതില് സജീവ മെംബറായിരുന്നു. അതുവഴി എനിക്ക് ധാരാളം സുഹൃത്തുക്കളെയും ലഭിച്ചിരുന്നു. ആ സുഹൃത്തുക്കള് എല്ലാവരും കൂടി ഒരുപാട് സഹായമാണ് എനിക്ക് ചെയ്ത് തന്നത്. എന്നാല് കഴിയാവുന്ന വിധം പരമാവധി ആളുകളിലേക്ക് നേരിട്ട് ചെന്ന് വോട്ട് അഭ്യര്ത്ഥിക്കുക എന്നത് തന്നെയാണ് എന്റെ ലക്ഷ്യം.