എലത്തൂര്‍: കോഴിക്കോട് എലത്തൂരിൽ രണ്ടരവയസ്സുകാരനെ പ്രകൃതിവിരുദ്ധ പീഡനത്തിനിരയാക്കിയ യുവാവ് അറസ്റ്റിൽ. എലത്തൂര്‍ വാളിയില്‍ വീട്ടില്‍ രാഹുല്‍ (24) ആണ് പിടിയിലായത്. മുമ്പും സമാനമായ കേസുകള്‍ ഇയാളുടെപേരിലുണ്ട്. എലത്തൂര്‍ പോലീസാണ് പ്രതിയെ പിടികൂടിയത്.
എലത്തൂര്‍ ഇന്‍സ്‌പെക്ടര്‍ എ. സായൂജ് കുമാര്‍, പ്രിന്‍സിപ്പല്‍ എസ്.ഐ. ആര്‍. അരുണ്‍ എന്നിവരുടെ നേതൃത്വത്തിലാണ് അറസ്റ്റ് നടന്നത്. കോടതിയില്‍ ഹാജരാക്കിയ പ്രതിയെ പിന്നീട് റിമാന്‍ഡ് ചെയ്തു. അതേഅസമയം കരിപ്പൂർ വിമാനത്താവളത്തിൽ 44 കോടിരൂപയുടെ ലഹരിവേട്ട. ഉത്തർപ്രദേശ് സ്വദേശിയായ യുവാവാണു പിടിയിലായത്. മുസഫർപൂർ സ്വദേശി രാജീവ് കുമാറാണ് അറസ്റ്റിലായത്. നെയ്‌റോബിയിൽ നിന്നും കരിപ്പൂരിൽ ഇന്നലെ വൈകിട്ടോടെയാണ് ഇയാൾ എത്തിയത്.
വിമാനത്താവളത്തിൽ ഡിആർഐ നടത്തിയ പരിശോധനയിൽ ഇയാളിൽ നിന്നും മയക്കുമരുന്ന് കണ്ടെത്തുകയായിരുന്നു. മൂന്നരകിലോ കഞ്ചാവും, ഒന്നേമുക്കാൽ കിലോ ഹെറോയ്‌നുമാണ് പ്രതിയുടെ കൈവശം ഉണ്ടായിരുന്നത്.
