വിജയ് നായരെന്ന യൂടൂബറെ ഭാഗ്യലക്ഷ്മി കൈകൈര്യം ചെയ്തതോടെ സംഭവം സോഷ്യൽ മീഡിയയിൽ വൻ ചർച്ചയായി.അനുകൂലിച്ചും പ്രതികൂലിച്ചും നിരവധി ആളുകൾ രംഗത്തെത്തി.പൊതുയിടങ്ങളിൽ സ്ത്രീകൾക്കെതിരെ ഉണ്ടാകുന്ന അതിക്രമങ്ങളിൽ സ്ത്രീകൾ തന്നെ പ്രതികരിക്കണമെന്ന് പറയുകയാണ് പ്രശസ്ത മനശാസ്ത്രജ്ഞൻ ഡോ.സി.ജെ ജോൺ.ആണ് വേണ്ടാതീനം ചെയ്യുകയോ, പറയുകയോ ചെയ്താൽ, കൈ വീശി ഒന്ന് കൊടുത്തോയെന്ന് മകളോട് നിർദ്ദേശിക്കുന്നതിൽ ഒരു തെറ്റും കാണുന്നില്ല. പറഞ്ഞിട്ടുണ്ടെന്ന് അദ്ദേഹം പറഞ്ഞു
കുറിപ്പിന്റെ പൂർണ്ണരൂപം
പൊതു ഇടത്തിൽ ഏതെങ്കിലും ആണ് വേണ്ടാതീനം ചെയ്യുകയോ, പറയുകയോ ചെയ്താൽ, കൈ വീശി ഒന്ന് കൊടുത്തോയെന്ന് മകളോട് നിർദ്ദേശിക്കുന്നതിൽ ഒരു തെറ്റും കാണുന്നില്ല. പറഞ്ഞിട്ടുണ്ട്. അവൾ പ്രയോഗത്തിൽ വരുത്തിയിട്ടുമുണ്ട്. ബസ്സിലെയും ആൾ തിരക്കുള്ള ഇടങ്ങളിലും സംഭവിക്കുന്ന അതിക്രമങ്ങളെ ഇങ്ങനെ നേരിടണം. പെണ്ണിന്റെ ക്ഷമാശക്തിയൊക്കെ ഉയർത്തി കാട്ടാൻ പോയാൽ ശല്യക്കാർ പിന്നെയും പിറകെ കൂടും. പെണ്ണ് രസിക്കുന്നുവെന്ന് ഒരു തിയറിയും ഇറക്കും. ഈ കേസും പറഞ്ഞ്‌ പോലീസ് സ്റ്റേഷനിൽ പോയാൽ
എന്താവും കഥ? ഇത് മുമ്പോട്ട് കൊണ്ട് പോയി മകൾക്ക് ബുദ്ധിമുട്ട് ഉണ്ടാക്കണോയെന്നാകും അവിടെ നിന്നും കിട്ടാൻ പോകുന്ന ഉപദേശം. ഉടൻ ഇങ്ങനെ കണക്ക് തീർക്കാൻ പോയാൽ അവൻ വൈരാഗ്യ ബുദ്ധിയുമായി പിന്നെ ഉപദ്രവിച്ചാലോയെന്ന് ഭയം വേണ്ട. ഒരു പരിചയവും ഇല്ലാത്ത പെണ്ണിനെ ചുമ്മാ പിടിച്ച് രസിക്കാനും, വൃത്തി കെട്ട വാക്കുകൾ കൊണ്ട് അഭിഷേകം ചെയ്യാനും വരുന്നവൻ ഭീരുവാണ്. വ്യക്തി വൈകല്യം ഉള്ള കക്ഷിയാണ്‌. ഉടൻ തല്ലു കൊണ്ടാൽ പിന്നെ ആ പെണ്ണിന്റെ പിറകെ പോവില്ല. എല്ലാവരും ഇങ്ങനെ
പ്രതികരിച്ചാൽ ഈ വർഗ്ഗം പൊതു ഇടത്തിൽ കുറയും. എന്നാൽ സൈബർ ഇടത്തിൽ നിന്നും ശല്യം വരുമ്പോൾ നിയമം കൂടെ നിന്നില്ലെങ്കിൽ പ്രയാസമാണ്. അത് കൊണ്ടാണ്‌ ഈ വർഗ്ഗം സൈബർ ഇടത്തിൽ ഇപ്പോൾ പെരുകുന്നത്
