മന്ത്രി മണി പെങ്കെടുത്ത പരിപാടിയിൽ കാബറേ ഡാൻസും മദ്യ പാർട്ടിയും. എംഎം മണി ഉദ്ഘാടകനായെത്തിയ വേദിയിലാണ് ഈ അഴിഞ്ഞാട്ടം നടന്നത്. അർദ്ധ നഗ്നയായ പെൺകുട്ടികളേ വയ്ച്ച് ബെല്ലി ഡാൻസ് നടത്തിയ പരിപാടിയിൽ മുന്നൂറോളം പേർ പങ്കെടുത്തു. മന്ത്രി മണിയേ കൂടാതെ എം.എൽ.എ മാരും പങ്കെടുത്ത പരിപാടിയിലാണ് അർദ്ധ നഗ്നത മടിയില്ലാതെ പുറത്ത് കാട്ടി ക്ഷണിക്കപ്പെട്ടവർക്കായി കാബറേ നടന്നത്.
ഇടുക്കി രാജാപ്പാറയിൽ മന്ത്രി എംഎം മണി പങ്കെടുത്ത പരിപാടിയിൽ കോവിഡ് മാർഗ നിർദേശങ്ങൾ ലംഘിച്ച് നിശാപാർട്ടിയും ബെല്ലി ഡാൻസും.
ഒരു റിസോർട്ടിലായിരുന്നു നിശാപാർട്ടിയും ബെല്ലി ഡാൻസും. തണ്ണിക്കോട് മെറ്റൽസിന്റെ ഉദ്ഘാടനത്തോട് അനുബന്ധിച്ച് ജൂൺ 28നാണ് പാർട്ടി സംഘടിപ്പിച്ചത്. രാത്രി 8 മണിക്ക് ആരംഭിച്ച പരിപാടി 6 മണിക്കൂർ നീണ്ടുനിന്നു. നർത്തകിയെ സംസ്ഥാനത്തിന് പുറത്തുനിന്ന് എത്തിക്കുകയായിരുന്നു.
പരിപാടിയിൽ പങ്കെടുത്ത ചിലർ സാമൂഹിക മാധ്യമങ്ങളിലൂടെ വീഡിയോ പങ്കുവച്ചതോടെയാണ് വിവരം പുറംലോകം അറിഞ്ഞത്. യഥേഷ്ടം മദ്യവും ഭക്ഷണവും വിളമ്പിയ പാർട്ടിയിൽ യാതൊരു വിധ കൊവിഡ് മാനദണ്ഡങ്ങളും പാലിച്ചിട്ടില്ലെന്നു വീഡിയോയിൽ വ്യക്തമാവുന്നുണ്ട്. ആഘോഷത്തിൽ പ്രമുഖർ പങ്കെടുത്തതിനാൽ തന്നെ കേസൊതുക്കാൻ ശ്രമം നടന്നതായും ആരോപണമുയർന്നിട്ടുണ്ട്.
